Imkoniyatlar va imtiyozlar
Xizmat endi taqdim etilmaydi.
- PassportID maqomi faqatgina ijtimoiy tarmoqdan foydalanish imkonini bermasdan, kelajakda foydalanuvchining identifikatsiyasini talab qiluvchi, davlat, kommunal, bank va boshqa tashkilotlar ko’rsatadigan xizmatlardan foydalanish imkoniyatini yaratadi. Hozirgi kunda quyidagi xizmatlar mavjud:
- DC.UZ resursi - UZINFOCOM Ma’lumotlar markazidagi foydalanuvchining hisob raqami holati to’g’risidagi ma’lumotlarini olish
Yaqin kelajakda quyidagi xizmatlar rejalashtirilmoqda:
- Milliy kutubxonaning interfaol xizmatlariga kirish imkoniyati;
- Internet xizmatlari va telefon aloqasi bo’yicha to’lov va qarzdorliklar to’g’risidagi ma’lumot olish;
- Issiq va sovuq suv bo’yicha to’lov va qarzdorliklar to’g’risida ma’lumot olish;
- Shahar elektr quvvati tashkilotidan oxirgi to’lov va qarzdorliklar to’g’risida ma’lumot olish;
- Pochtadan jo’natilgan jo’natmalar va banderollarni qidirish imkoniyati;
- va boshqalar.
PassportID maqomini olish tartibi
- PassportID maqomini olish uchun UZINFOCOM Markazining abonent bo’limiga pasportning asl nusxasi bilan kelib, PassportID maqomini ro’yxatga olish uchun mahsus shaklni to’ldirib imzo chekasiz. PassportID maqomi faqatgina foydalanuvchining shaxsan o’zi fuqarolik pasporti bilan murojaat qilgandagina beriladi.
- PassportID maqomi berilishidan avval foydalanuvchining ID.UZ tizimidagi ma'lumotlari uning fuqarolik pasportidagi ma'lumotlar asosida to'ldirilgan bo'lib, shaxsiy fotosur'ati yuklangan bo'lishi kerak:
- FISh (to’liq)
- Tug’ilgan sanasi
- Turar joy manzili
- Pasportning amal qilish muddati
- Murojaat uchun telefon
- Abonent bo’limi xodimlari ma’lumotlarni tekshirgandan so’ng foydalanuvchiga PassportID maqomini beriladi
- PassportID maqomining muddati foydalanuvchining fuqarolik pasporti amal qilish muddatiga bog'liq. Fuqarolik pasportining amal qilish muddati tugagandan bir oy o'tgandan so'ng PassportID maqomi, foydalanuvchi tomonidan yangi pasport taqdim etilgunga qadar bekor qilinadi.
- Foydalanuvchi pasportini almashtirganda (FISh, turar joy manzili, yangi passport olganda va hоkazo) bir oy mobaynida UZINFOCOM Markazi ma’muriyatiga o’zgarishlar to’g’risida xabar berishi kerak.
- ID.UZ tizimida PassportID maqomiga ega foydalanuvchining asosiy profil ma'lumotlari: FISh, tug'ilgan sanasi, turar joyi (profildagi yashirin qatorda faqat operator va foydalanuvchi ko'ra oladi) va fotosur'atini o'zgartirish huquqiga faqatgina servis operatori ega.
Savollar va javoblar
PassportID maqomini olish uchun qanday hujjatlar kerak bo’ladi?
PassportID maqomini olish uchun faqat fuqarolik pasportining asl nusxasi kerak bo’ladi.
PassportID maqomi, uchinchi shaxs tomonidan fuqaroning pasporti bilan murojaat etilganda berilishi mumkinmi?
PassportID maqomi, uchinchi shaxs tomonidan fuqaroning pasporti bilan murojaat etilganda berilishi mumkinmi?
Foydalanuvchini passport amal qilish muddati tugagandan so’ng unga qanday maqom beriladi?
PassportID maqomi, foydalanuvchining pasporti amal qilish muddati tugagandan bir oydan so’ng, yangi pasport taqdim etilgunga qadar avtomat tarzda “Noma’lum foydalanuvchi” maqomiga o’tkaziladi.
PassportID maqomini olgandan so’ng shaxsiy ma’lumotlarni (foto, familiya va h.k.) o’zgartirish mumkinmi?
Yo’q. Passport ID maqomi berilgandan so’ng profildagi asosiy ma’lumotlarni faqatgina xizmat operatori o’zgartirish huquqiga ega.
Xizmatning boshqa foydalanuvchilari foydalanuvchining manzili va telefon raqamlarini ko'ra oladilarmi?
Yo’q. Bu ma’lumotlarni faqatgina foydalanuvchining o’zi va xizmat operatori ko’rish xuquqiga ega.
