Hozirda ID.uz tizimida identifikatsiya login va parolni kiritish yo‘li orqali amalga oshiriladi.
Ro‘yxatdan o‘tishni tasdiqlash ikki yo‘l bilan, agarda siz umail.uz da yangi pochta ochayotgan bo‘lsangiz, birinchisi, mavjud pochta qutisi, ikkinchisi telefon raqami orqali amalga oshiriladi.
Muammolarni oldini olish bo‘yicha quyidagi ko‘rsatma va tavsiyalarga rioya qilish kerak:
- Ro‘yxatdan o‘tishda (MUHIM!), profilda mavjud pochta, telefon raqami, sizning haqiqiy ism va sharifingiz ko‘rsatilishi kerak. Bu parol va loginni yo‘qotgan taqdirda qayta tiklash jarayonini soddalashtiradi.
- Agar ro‘yxatdan o‘tishda tizim “Bunday foydalanuvchi nomi mavjud” degan xatolikni chiqarsa, demak siz tomondan kiritilgan login allaqachon boshqa foydalanuvchi tomonidan band qilingan. Shunga, boshqa variantlarni kiritib ko‘ring.
- ID.uz tizimida bir nechta profillar mavjud bo‘lganda, kiritilgan pochta siz tomondan boshqa profilda oldin ko‘rsatilgan bo‘lishi mumkin. Bunda mavjud akkauntdagi pochtani boshqasiga o‘zgartirishingiz mumkin yoki yangi profil ochganda yangi pochta qutisini kiriting.
- Ro‘yxatdan o‘tishda “Captcha qiymati noto‘g‘ri kiritilgan” degan xatolik chiqadi: bunda til satrini tekshiring. Kiritish tili ingliz tili bo‘lishi lozim. Sahifa tilini o‘zgartirib, yana bir marta urinib ko‘ring.
- PassportID maqomini olish uchun “Yagona integrator UZINFOCOM” MChJga shaxsan o‘zingiz pasport bilan tashrif buyurishingiz kerak (UZINFOCOMning manzili va aloqalari bilan havola http://uzinfocom.uz/ru/site/contac orqali tanishib chiqishingiz mumkin). PassportID maqomini berish uchun pochta orqali yuborilgan pasportning ksero, skaner nusxasi yoki boshqa variantlari qabul qilinmaydi. PassportID maqomini olgandan so‘ng profilning asosiy ma’lumotlari va fotosuratni o‘zgartirishning imkoniyati mavjud emas. Sizga parol, elektron pochta manzili va telefon raqamini o‘zgartirish huquqi beriladi. Profildagi qolgan ma’lumotlar faqat pasport taqdim etilgandan so‘ng o‘zgartirilishi mumkin.
- Agarda, sizning pasportingizning amal qilish muddati tugagan va siz uni almashtirgan bo‘lsangiz, unda siz tizimga yangi ma’lumotlarni kiritilishi uchun yangi pasportingizni taqdim qilishingiz kerak. Aks holda, eski pasportning amal qilish muddati tugagandan so‘ng bir oydan keyin PassportID maqomi avtomatik tarzda RealID maqomiga o‘zgartiriladi.
- Agarda, siz parolni unutgan bo‘lsangiz, siz uni profilda keltirilgan elektron pochta yoki telefon raqami orqali qayta tiklashingiz mumkin. Shuning uchun, vaqt-vaqti bilan profilda ko‘rsatilgan telefon raqami to‘g‘ri ko‘rsatilganligini tekshirib turish lozim.
- Agarda, siz parolni unutgan bo‘lsangiz va uni telefon raqami yoki pochta orqali qayta tiklashning (qanday pochta yoki telefon raqami ko‘rsatilganligini unutib qo‘ydingiz) iloji bo‘lmasa, unda 238-42-28 telefon raqamiga qo‘ng‘iroq qilishingiz mumkin. Operator profilda ko‘rsatilgan ma’lumotlar asosida telefon raqami va/yoki elektron pochta manzilini qayta tiklashda yordam beradi.
- Agarda, loginni unutgan bo‘lsangiz, siz 238-42-28 telefon raqamiga qo‘ng‘iroq qilishingiz mumkin va operator profilda ko‘rsatilgan familiya, ism va sharifingiz asosida loginni qayta tiklashda yordam beradi.
- Agarda, sizda OpenID bayonini qo‘llab-quvvatlaydigan saytlarga kirish imkoniyati mavjud bo‘lmasa, ID.uz profilida ishonchli resurslar ro‘yxatini tekshirib, tashrif buyura olmayotgan saytdan blokirovkani olib tashlang.
- ID.uz tizimida eski profilni o‘chirganda, akkauntdan o‘zingizning mavjud pochta va telefon raqamingizni o‘chirganingizga ishonch hosil qiling. Aks holda, kelgusida ro‘yxatdan o‘tishda pochta va telefon raqamingiz tizimda eski profilda band bo‘lishi sababli sizda muammolar kelib chiqishi mumkin.
- Agarda, davlat organida mas’ul xodim o‘zgargan bo‘lsa, avvalgi mas’ul xodim bilan bog‘lanib, undan login, parol va boshqa ma’lumotlarni aniqlashtiring. Avvalgi mas’ul xodim bilan bog‘lanishning imkoniyati mavjud bo‘lmasa, unda operatorlar login va parolni qayta tiklash bo‘yicha harakatlarni amalga oshirishlari uchun UZINFOCOMga rasmiy xat bilan murojaat qilishingiz mumkin.
